Ramón Chao Rego


Categoría: Xornalista e escritor
Data de Nacemento: 21 de xulio de 1935 († 20 de maio de 2018)
Lugar de Nacemento: Vilalba (Lugo)

Opinión
 Currículum

Naceu en Vilalba en 1935 e criouse tocando o piano na fonda que rexentaban os seus pais, onde adoitaban parar figuras como Cunqueiro.

Sendo bolseiro polo Concello de Vilalba e a Deputación de Lugo, trasladouse a Madrid para estudar piano, harmonía e bacharelato. De Madrid foise a París cando tiña vinte anos, con outra bolsa do Goberno español. Na capital francesa fíxose xornalista, entrando a traballar en Radio France “porque falaba galego”, segundo confesa, “pois buscaban un locutor que soubera música e portugués”.

En París, Ramón Chao dirixiu emisións radiofónicas na nosa lingua, que serían prohibidas por Franco, e foi correspondente da revista Triunfo.

Tamén traballou na prensa e na televisión francesas e foi nomeado Cabaleiro das Artes e das Letras polo Goberno de Francia en 1991. Destacou como crítico Literario en Le Monde e polas súas colaboracións en Le Monde Diplomatique, publicación mensual dirixida polo xornalista Ignacio Ramonet. Conta no seu haber con máis de vinte libros, entre novelas e biografías, un deles escrito en galego, O Camiño de Prisciliano, con cuberta deseñada polo artista Miquel Barceló. Asemade, a súa novela El lago de Como, publicada en 1982, foi traducida ao galego en 2008.

Na actualidade é o presidente da Asociación de Amigos de Prisciliano.

 Obras realizadas

OBRAS:

1973. -Georges Brassens (biografía) (Júcar, editor).

1975. -Guía secreta de París (76, Borak, 1975).

1976. -Despois de Franco, España (Felmar, Madrid).

1982. -El Lago de Como (novela) (Argos, Vergara).

1984. -Palabras en el Tiempo (Argos, Vergara).

1992. -Un posible Onetti (Stock-Paris).

1990. -Son adelfas (Christian Bougots-Paris).

1994. -Un tren de hielo y fuego (El Europeo - Madrid - Actes Sud Francia).

1999. -Prisciliano de Compostela (Seix Barral).  

- O camiño de Prisciliano (Espiral Maior).

 

Foi creador do Concurso de Contos "Juan Rulfo".

Corresponsal de "La Voz de Galicia" durante dez años.

Corresponsal de "Triunfo" durante oito anos.

Crítico literario de Le Monde, de París.

Colaborador de "Le Monde Diplomatique".

 Outros datos de interese

Gañou tres premios internacionais de Radio:

-Radio España, con Julio Cortázar,

-Radio España, con "De Berceo al altiplano",

-Radio La Habana, con "De la Bastilla a Moncada".