Currículum

Exerce como profesor de FP en Prácticas Sanitarias, é ATS no centro de saúde de O Irixo e licenciado en Dereito e Graduado Social. Iniciou a súa actividade política en Compostela coincidindo coa reforma asistencial e laboral no Sanatorio Psiquiátrico de Conxo. Participou activamente nas loitas deste centro sanitario entre 1973 e 1978; unhas mobilizacións especialmente importantes e con ampla repercusión na visión da psiquiatría e a situación laboral dos seus traballadores. Foi primeiro tenente de alcalde do Carballiño, membro do Consello Nacional do BNG, deputado do BNG no Parlamento de Galicia e responsable da Comisión de Emigración. Na actualidade é Delegado Provincial da Vicepresidencia en Ourense.