Obras realizadas

Publicou ó redor de douscentos traballos, destacando os dedicados ó teatro clásico. Traballa tamén sobre Literatura Galega dos séculos XIX e XX, sendo autor en colaboración con Aurora López de varios volumes sobre Rosalía de Castro. No campo da creación literaria, publicou algúns libros de poesía, sobre todo en galego, (Versos para Aurora), 1999; relatos xornalísticos (Galicia e Granada), 1988; relatos curtos (Quince mulleres, quince momentos), 2000; novela (Nas trasparencias do Miño), inédita. Tamén escribiu sobre Literatura Latina, e algúns dos libros máis destacados son: El tragediógrafo latino Lucio Acio, Granada, 1984; Comienzos de la poesía latina, Madrid, 1988; Estudios sobre Plauto, Madrid, 1998; Estudios sobre comedia romana, Frankfurt, 2000, etc. Sobre Literatura Galega destacan as obras: Rosalía de Castro. Documentación biográfica y bibliografía crítica (1937-1990), 3 vol. A Coruña, 1991-1993; Edición crítica de Cantares Gallegos, Santiago, 1992; Rosalía de Castro. Estudios sobre a vida e a obra, Santiago, 2000; Conversas con Maruxa Villanueva, A Coruña, 1995; etc.