Currículum:

-Xornalista Musical. Iniciou o seu labor profesional cara a 1964 como discjockey no Playa Club da Coruña alternando o seu traballo coa preparación de audicións musicais en torno ó Jazz.-En 1967 dirixe e presenta en Radio Juventud da Coruña un programa de Jazz para ampliar posteriormente a súa actividade radiofónica a outros estilos musicais e outras emisoras (SER, RNE). En 1978 colabora coa COPE de Ferrol onde pon en marcha a programación autónoma da FM Estéreo -La Radio Feliz- para o que pon en marcha "Nosa", a primeira productora radiofónica galega que foi o primeiro intento de crear en Galicia unha linguaxe radiofónica específica de FM musical. -En 1983, é nomeado xefe de programas de Antena 3 Galicia e posteriormente coordinador musical das diferentes emisoras da cadea. -En 1986 é nomeado director de Radio Minuto na Coruña. Foi delegado da CECOM -Cadea Española de Comentaristas Musicais- en Galicia así como representante da Cadea Latinoamericana de Comentaristas Musicais. Como asesor musical do Concello da Coruña puxo en marcha o Noroeste Pop Rock que chegaría a converterse nun dos acontecementos musicais máis importantes de España. En prensa colaborou en diversas revistas especializadas (Actividad Discográfica e Mundo Joven), na Voz de Galicia, onde creou o primeiro suplemento musical galego "Voz Joven" e o Ideal Gallego. Na TVG presentou en 1992 o programa Radio Onte, que alcanzou unha importante audiencia ó longo das súas 26 edicións. Como comentarista musical basea o seu traballo na sobriedade e a precisión informativa. -Discjockey, periodista, escritor, conferenciante, locutor, xefe de programas e director de radio, presentador de TV, promotor de concertos, productor discográfico - guionista - asesor musical.